Делегацијата ја предводел Митрополит Николај, придружуван од Митрополит Антониј, архимандритот Максим, претставници на бугарската воена мисија во НАТО и други гости. Посетата се одржала по повод чествувањето на Свети Георгиј Победоносец, заштитник на бугарската армија, според стариот календар.
На 6 мај, на празникот Преполовение Педесетница, во митрополитскиот храм „Свети Архангели“ во Брисел била отслужена триерархиска Божествена Литургија. На богослужбата сослужувале архиереи од Бугарската патријаршија и клирици на локалната митрополија, додека митрополитот Атинагора молитвено присуствувал во олтарот.
Во своето обраќање, митрополитот Атинагора истакнал дека ваквата заедничка Литургија е „израз на светотаинското единство“ меѓу Вселенска патријаршија и Бугарска православна црква. Тој нагласил дека единството денес е „потребно повеќе од кога било“, особено во време кога „православни христијани војуваат против православни христијани“, нарекувајќи го тоа „неприфатливо“.
Митрополитот Николај, пак, говорел за радоста на Воскресенскиот период, празникот Преполовение и особеното почитување на Свети Георгиј во Бугарија. Тој потсетил дека иако Бугарската црква од 1968 година го следи новиот календар, празникот на Свети Георгиј продолжува да се празнува според стариот календар.
Извор: orthodoxianewsagency.gr
