На 25 ноември, во храмот „Пресвета Богородица Дексија“ беше одржана комеморативна манифестација – духовен помен за блаженоупокоениот црковен пејач и Архонт на Великата црква, Авраам Евтимијадис (1911–2005). На настанот беше претставен неговиот живот и истакнат значајниот придонес во уметноста на православното богослужбено пеење, по што беа изведени и негови претставителни музички творби.
Организатори на манифестацијата беа Митрополијата на Солун, Катедрата за музички студии при Аристотеловиот универзитет, Здружението на црковни пејачи „Св. Јован Дамаскин“ и Школата за византиска музика.
Вселенскиот Патријарх Вартоломеј беше претставен од митрополитот Солунски г. Филотеј, кој го прочита патријаршиското писмо. Поздравни слова упатија директорот на школата г. Хараламбос Џиневракис, претседателот на здружението г. Христос Тасиос и ќерката на честуваниот, г-ѓа Варвара Евтимијаду–Цилингериду.
Професорот г. Емануил Јанопулос го претстави делото на Евтимијадис преку фотографии и видеоматеријали, а потоа беа прочитани и поздравни пораки од игуменот на манастирот Дохејариу г. Амфилохиј, професорот г. Григориос Стахис и г. Апостолос Зарзалис.
Хорот на Школата за византиска музика, под диригентство на г. Џиневракис, исполни три негови мелодизирани химни. На крајот од настанот, митрополитот Филотеј им се заблагодари на сите кои придонесоа за успешната организација.
Извор: Ιερά Μητρόπολις Θεσσαλονίκης
