Српскиот патријарх г.г. Порфириј упати честитка до патријархот Московски и на цела Русија г.г. Кирил по повод 50-годишнината од неговото епископско ракополагање.
„Во текот на половина век од Вашата архиерејска служба, со силното сведоштво за Христовото Евангелие и со пастирската љубов со која го укрепувате доверениот народ Божји, се покажавте како Добар Пастир (Јован 10:14), кој го собира нектарот на Преданието“, се вели во пораката.
Патријархот Порфириј истакнува дека патријархот Кирил, како предстојател на Руската православна црква во изминатите 17 години, успеал да го зачува православниот идентитет во тешки и бурни времиња.
„Се истакнавте како еден од духовните столбови на целиот православен свет“, нагласува српскиот патријарх.
На крајот, патријархот Порфириј се придружува кон молитвите на милиони верници од Руската православна црква, посакувајќи „Семоќниот Господ да ве укрепи со здравје, духовна сила и радост, а вашата пастирска служба да биде за утеха и спасение на благочестивиот народ“.
Извор: orthodoxianewsagency.gr
