Како резултат на руски ракетни напади врз Украина во последните денови, беа оштетени повеќе христијански храмови.
Делумно беше разрушен храмот „Свети Никола – Покров“ на Украинската православна црква (УПЦ–МП) во Дружковка, Донецка област, соопшти информативно-образовниот оддел на Украинската православна црква.
За време на ракетниот напад на Херсон од страна на руските сили, една од гранатите го погодила покривот на црквата „Рождество на Пресвета Богородица“ во Херсон, информира прес-службата на Херсонската епархија при УПЦ–МП.
Како резултат на руски напад во Дружковка беше уништена и протестантската црква „Светлина на Евангелието“. За тоа извести Олег Шајкевич, епископ за Одескиот регион при Сеукраинскиот мисионерски религиозен центар „Светлина на Евангелието“, цитиран од порталот „Христијани против војната“.
Во петокот Русија истрела повеќе од 400 далекудометни беспилотни летала. Новата руска тактика вклучува ноќен бран напади со дронови, по што следуваат силни удари во текот на денот.
Украинскиот претседател Володимир Зеленски, цитиран од светските медиуми, ја обвини Москва дека избрала „велигденска ескалација“ наместо велигденско примирје.
Да потсетиме, католиците и протестантите го прославија Христовото Воскресение (Пасха) на 5 април.
Извор:
https://hristianstvo.bg/поредните-повредени-от-руски-атаки-хр/
