Новиот митрополит на Пафос, Григориј, беше ракоположен за епископ во катедралниот храм „Свети апостол Варнава“, на денот кога Црквата на Кипар го чествува својот основач и заштитник.
Ракополагањето се одржа во присуство на бројни верници, кои со возгласи „Аксиос“ и аплауз го поздравија новиот архиереј.
Со свечената архиерејска богослужба началствуваше архиепископот на Кипар, Георгиј, во сослужение со митрополитот Смирнски Вартоломеј, претставник на Вселенската патријаршија, како и со други архиереи и свештенослужители.
Според најавите, востоличувањето на новиот митрополит Григориј требаше да се одржи истиот ден во попладневните часови, во катедралниот храм „Свети Теодор“ во Пафос.
Архимандритот Григориј Јоанидис беше избран за нов митрополит на Пафос на 26 мај 2026 година, по црковните процедури што следуваа по случајот со поранешниот митрополит Тихик.
Извор: orthodoxtimes.com
