На 29.9.2026 година, Неговото Блаженство, Архиепископот Охридски и Македонски г.г. Стефан, присуствуваше на промоцијата на книгата „Логострој“ на м-р Дарио Божиновски, која се одржа во НУ „Музеј на македонската борба за самостојност“ – Скопје.
За книгата говореа Неговото Високопреосвештенство, Митрополитот Дебарско-кичевски г. Георгиј и м-р Стефан Цветановски, професор во Македонската православна богословија „Св. Климент Охридски“ во Скопје.
На промоцијата присуствуваа и Нивните Преосвештенства, Епископите: Хераклејски г. Климент и Дремвитски г. Давид, како и голем број гости, пријатели, соработници и љубители на пишаниот збор.
Посебен дел од промоцијата беше и музичката програма, во која настапија фаготистот Марио Иванчов и виолончелистот Александар Ицковски, со што на книжевната вечер ѝ беше дадена дополнителна уметничка димензија.
Промоцијата помина во свечена и пријатна атмосфера.
Извор: mpc-spe.mk
