Историската Киево-печерска лавра, еден од најзначајните духовни и културни споменици на Украина, беше зафатена од пожар по голем руски воздушен напад врз Киев, објавија украинските власти.
Во текот на ноќта Украина била погодена од серија руски напади, при што, според властите во Киев, имало загинати и повредени. Поради нападите, до жителите во повеќе делови од земјата биле испратени итни предупредувања веднаш да се засолнат во безбедни места.
Началникот на воената управа на Киев, Тимур Ткаченко, соопшти дека Киево-печерската лавра, која е дел од светското културно наследство на УНЕСКО, претрпела сериозни оштетувања по директен удар.
„Брутален напад врз нашиот народ и врз нашето наследство. Ова е вистинското лице на руските ‘православни вредности’“, напиша украинската премиерка Јулија Свириденко на платформата „Икс“, објавувајќи фотографии од објектите на манастирот зафатени од пламен.
Киево-печерската лавра, позната и како Лавра на пештерите, претставува еден од најстарите и најзначајни монашки центри на православното христијанство. Основана е во 1051 година и се смета за еден од најважните верски, историски и културни симболи на Украина.
Снимка од пожарот во лаврата објави и Киевскиот митрополит Епифаниј.
Извор: orthodoxianewsagency.gr
