Нов ракетен напад беше регистриран попладнето во петокот во Стариот град на Ерусалим, во близина на Пресветиот Гроб, при што се причинети материјални штети, но нема информации за повредени лица.
Според досегашните информации, нападот се поврзува со Иран, а израелската армија соопшти дека ракетата била успешно пресретната од противракетниот систем.
Сепак, делови од ракетата паднале во градот, предизвикувајќи оштетувања на паркинг-простор во Еврејската четврт.
Местото на падот се наоѓа во исклучително чувствителна зона, на околу 350–400 метри од Храмовата гора (Харам ал-Шариф), во близина на Западниот ѕид и џамијата Ал-Акса. Дополнително, според извештаите, е создадена дупка во ѕид на околу 500 метри од Црквата на Воскресението Христово.
Непосредно под местото на падот се наоѓаат спортски терени, каде во моментот на инцидентот имало присуство на граѓани.
Ова е втор ваков напад во близина на Пресветиот гроб во последните неколку дена.
Првиот инцидент се случи во понеделникот (16 март), кога голем дел од пресретната ракета падна врз покрив на објект, на околу 100 метри од влезот на Црквата на Воскресението.
Извор: orthodoxianewsagency.gr
