„Духовни мои чеда, ве молам простете ми за моите гревови и за мојата слабост. Секогаш се молам за вас.“
Ова беа последните зборови на блаженоупокоениот Патријарх на Грузија, Илија, во неговото последно обраќање до верниците по повод почетокот на Великиот пост.
Веста за неговото упокојување, на 17 март 2026 година, на 93-годишна возраст, предизвика длабока тага кај народот на Грузија, но и во целата православна екумена. Илјадници верници излегоа на улиците, палејчи свеќи и молејќи се за душата на својот духовен пастир.
Според локалните извори, земјата од синоќа се наоѓа во национална жалост, а знамињата се спуштени на половина копје.
Смртта на Патријархот Илија претставува голема загуба за Православната црква на Грузија, која под неговото долгогодишно духовно раководство доживеа значајно зацврстување и духовно обновување.
Во наредните денови се очекува телото на упокоениот Патријарх да биде изложено на народно поклонение, додека верниците ќе имаат можност да му оддадат последна почит.
Извор: orthodoxianewsagency.gr
