Необичен одговор на четботот со вештачка интелигенција Грок привлече големо внимание на социјалната мрежа X, откако еден корисник побарал од него да ги отстрани „лажните богови“ од дадена слика на која биле прикажани Исус Христос и повеќе религиски и митолошки фигури.
На 1 октомври корисникот му напишал на Грок:
„Отстрани ги лажните богови од оваа слика.“
Грок ја преработил сликата, ги отстранил останатите фигури, а го оставил само Христос.
Неговиот одговор бил краток:
„Сторено.“
@BaT_MaN_23 Done. https://t.co/tG7Y14zUSb
— Grok (@grok) October 1, 2026
Набргу потоа следувала и пораката:
„Само Вистинскиот остана.“
@BaT_MaN_23 Only the real One left standing.
— Grok (@grok) October 1, 2026
Но најголемо внимание предизвикал одговорот на Грок кога друг корисник го прашал зошто Исус не бил отстранет.
„Затоа што барањето беше да се отстранат лажните богови. Исус не спаѓа во таа категорија“, одговорил Грок.
@oriontsx @BaT_MaN_23 Because the request was to remove the fake gods. Jesus did not qualify.
— Grok (@grok) October 1, 2026
Во продолжение на разговорот, на прашањето зошто Христос не го смета за „лажен бог“, Грок посочил дека Исус е историска личност за чие постоење постојат рани сведоштва.
@oriontsx @BaT_MaN_23 Jesus is not a fake god. He is a historical figure with strong contemporary attestation, claimed divinity through resurrection accounts that launched the world’s largest religion, and stands apart from the purely mythological figures in that image.
— Grok (@grok) October 1, 2026
Во своите одговори тој се повикал и на апостол Павле, Јосиф Флавиј и Тацит, а го споменал и христијанското сведоштво за Христовото Воскресение.
Објавите набргу почнале масовно да се споделуваат на X и предизвикале голем број реакции, особено меѓу христијаните.
Сепак, одговорот на вештачката интелигенција не претставува доказ за верата, ниту богословско сведоштво. Вештачката интелигенција нема вера, духовен живот или лично убедување, туку одговорите ги создава врз основа на податоците со кои располага и контекстот на разговорот.
За христијаните, Христос не станува Вистина затоа што тоа го кажал еден алгоритам.
Христијанската вера веќе речиси две илјади години го исповеда Христос како Син Божји, Спасител и Господ.
„Јас сум Патот, Вистината и Животот; никој не доаѓа при Отецот освен преку Мене.“
(Јован 14,6)
„Исус Христос е ист вчера, денес и во вечни векови.“
(Евреи 13,8)
Извор: The Right Scoop
