На празникот на светите апостоли Вартоломеј и Варнава, во митрополитскиот храм „Успение на Пресвета Богородица“ на островот Имврос беше отслужена свечена Патријаршиска Божествена Литургија по повод именденот на Вселенскиот патријарх Вартоломеј.
Со светата литургија чиноначалствуваше Вселенскиот патријарх Вартоломеј, во сослужение со патријархот Даниел на Романија и патријархот Даниил на Бугарија, кои допатуваа на Имврос за да учествуваат во прославата на неговиот именден.
Годинашната прослава има особено значење бидејќи за првпат Вселенскиот патријарх го одбележува својот именден на родниот остров Имврос. Воедно, се одбележуваат и 35 години од неговиот избор за Вселенски патријарх и 65 години од неговата црковна служба.
На богослужбата присуствуваа бројни архиереи, свештенослужители, монаштво и верници од повеќе православни земји, испраќајќи порака за единство и братска соработка меѓу помесните православни цркви.
Извор: Orthodox Times
