На 4 декември 2025 година, Патријаршијата на Ерусалим торжествено го одбележа празникот Воведение на Пресвета Богородица и Приснодева Марија во Храмот Соломонов. Со овој настан Црквата го слави моментот кога благодатта на Духот на Вистината влегува во Божјиот храм и во човештвото.
Според преданието, светите и богоугодни родители на Богородица, праведните Јоаким и Ана, го исполниле својот завет и ја посветиле тригодишната Марија на Храмот, каде што таа пребивала во Светињата над светињите, хранејќи се од ангел и подготвувајќи се за големата тајна на Божјиот домострој – воплотувањето на Синот и Словото Божјо, нашиот Господ Исус Христос.
Во чест на празникот, во женскиот манастир „Воведение на Богородица – Мегали Панагија“, кој е поврзан со Братството на Светиот Гроб, вечерта беше otслужена Велика Архиерејска Вечерна, а следното утро – Божествена Литургија. Со богослужбите началствуваше Архиепископот од Катар, г. Аристовул, во сослужение со манастирскиот свештенослужител архимандрит Макариос, архимандритите Христодул (прв по ранг), Амфилохиј, Доситеј и ѓаконот Евстатиј.
Пеењето го водеше професорот по грчка литература Јоанис Караниколас, заедно со ученици од Патријаршиската школа на Сион. На службите присуствуваа монахињи од манастирот и од други манастири, како и верници од Ерусалим. Присутна беше и претставничката на Генералниот конзулат на Грција во Ерусалим, г-ѓа Атанасија Малиу.
За време на Литургијата, Патријархот на Ерусалим, Неговото Блаженство Теофил III, го посети манастирот за да се поклони, придружуван од браќата од Светиот Гроб. Патријархот, архиереите и верните беа топло пречекани од ревносната игуманија Мелани, која го обнови манастирскиот храм и ги реставрира неговите икони.
Празничната радост продолжи и во Монашко-патријаршискиот храм на Светите Константин и Елена, каде што Патријархот Теофил заедно со архиереите ги отпеаа божикните катавасии.
Извор: Патријаршија на Ерусалим
