Со благослов на Архиепископот Охридски и Македонски г. г. Стефан и на Митрополитот Тетовско-гостиварски г. Јосиф, во Гостивар се врши бесплатна дистрибуција на вода за пиење.
Почнувајќи од 20 јули, секој ден од 14:00 часот, граѓаните можат да подигнат вода во дворот на Соборниот храм „Успение на Пресвета Богородица“. Акцијата ќе продолжи сè додека за тоа постои потреба.
Од храмот упатија благодарност до сите фирми и поединци, како и до Хуманитарната организација „Свети Спас“ – Драчево, кои со своите донации овозможиле да биде реализирана хуманитарната акција.
Сите граѓани на кои им е потребна вода се повикуваат да дојдат во дворот на храмот и да ја подигнат потребната количина.
„Бог да ги благослови сите дарители и сите кои придонесоа за ова добро дело“, се наведува во соопштението.
Извор: Фејсбук профил на Соборен храм „Успение на Пресвета Богородица“ – Гостивар
